الاثنين، 10 أكتوبر، 2011

موجوع








موجوع

موجوع ياقلبى من زمان موجوع
موجوع ياعينى والهنا ممنوع
دافن فى قلبى صرختى
وضحكتى محبوسه
مانعاها الضلوع
نفسي أشوف ضى الشموس
نفسى أهرب م الشموع
نفسى أحس بأنى لسه
زي باقى الخلق بفرح
نفسي أشوف للفرح مطرح
نفسى أطلع مره
من بحر الدموع
نفسي ألاقى حبيب
يستاهل عذابى
يستاهل أعيش
علشان إخلاصه باقى
نفسى أحس بقلبى ينبض
م الحب مش م الخوف
نفسي أكمل قصة حب مره
قبل ما تخوننى الظروف
عايز أخلص من آهاتى
عايز أبدأ أعيش حياتى
كفايه من عمري اللى عدى
و اللى باقى خلاص يدوب

ليست هناك تعليقات:

إرسال تعليق